நினைவுறுத்துங்கள்
தீரத்தீர தரும் அட்சய பாத்திரமல்ல நான்
காலத்தின் மதிப்பீட்டில்
சலிப்பு மிகுதியில்
தூக்கியெறியப்படும்
பழைய பாத்திரம்.
எனது சுகத்தின் முதுகில்
மஞ்சம் அமைத்திருக்கும்
காணமுடியாத கனவுகள்.
தொட்டவருண்டு பலர்
துலக்கியவர் எவரு மிலர்.
ஒவ்வொரு முடிவுக்குப் பிறகும்
(அவர்)கண்களைப் பார்க்க நேரிடுவேன்
எவரேனும் வாழ்க்கை என்ற சொல்லை
முணுமுணுப்பார்களோ வென
கட்டி எறியப்பட்டதால்
காலத்தின் காலில்
தவழ்ந்துகொண்டிருக்கிறேன்
நிமிர முடியாமல்..
பெருந்தகையீர்!
எங்கேனும் எவரேனும்
விதவைக்கு மறுவாழ்வென்று
சொல்லக் கண்டால்
அவர்களுக்கு நினைவுறுத்துங்கள்
காலத்தின் மதிப்பீட்டில்
சலிப்பு மிகுதியில்
தூக்கியெறியப்படும்
பழைய பாத்திரம்.
எனது சுகத்தின் முதுகில்
மஞ்சம் அமைத்திருக்கும்
காணமுடியாத கனவுகள்.
தொட்டவருண்டு பலர்
துலக்கியவர் எவரு மிலர்.
ஒவ்வொரு முடிவுக்குப் பிறகும்
(அவர்)கண்களைப் பார்க்க நேரிடுவேன்
எவரேனும் வாழ்க்கை என்ற சொல்லை
முணுமுணுப்பார்களோ வென
கட்டி எறியப்பட்டதால்
காலத்தின் காலில்
தவழ்ந்துகொண்டிருக்கிறேன்
நிமிர முடியாமல்..
பெருந்தகையீர்!
எங்கேனும் எவரேனும்
விதவைக்கு மறுவாழ்வென்று
சொல்லக் கண்டால்
அவர்களுக்கு நினைவுறுத்துங்கள்
விபச்சாரிகளும் உண்டு என்று..
_______________________________
எழுதப்பட்ட காலம் - 14-07-2007
Comments
(அவர்)கண்களைப் பார்க்க நேரிடுவேன்
எவரேனும் வாழ்க்கை என்ற சொல்லை
முணுமுணுப்பார்களோ வென//
ஒரு பாலியல் தொழிலாளியின் உள்ளக் குமுறல்களை வெளிப்படுத்தி இருக்கும் வார்த்தைகள் அருமை...ஆதவன்...
மஞ்சம் அமைத்திருக்கும்
காணமுடியாத கனவுகள்.
தொட்டவருண்டு பலர்
துலக்கியவர் எவரு மிலர்.//
சொல்வதற்கு வார்த்தைகள் இல்லை...
ஏதோ, கவிதையாகவேனும் உதவி செய்வோம் என்றுதான்....
நன்றிங்க புதியவன்...
உங்களைப் போன்று நல்ல ஊக்கம் கொடுக்கும் நண்பர்களால்தானே என்னால் எழுதமுடிகிறது!!!!
அதற்கு உங்களுக்கு என் நன்றியும், கடமைப் பட்டிருக்கிறேன்.
அன்புடன்
ஆதவன்
நன்றி கார்த்திகைப் பாண்டியன்..
உங்களைப் போன்று நல்ல ஊக்கம் கொடுக்கும் நண்பர்களால்தானே என்னால் எழுதமுடிகிறது!!!!
அதற்கு உங்களுக்கு என் நன்றியும், கடமைப் பட்டிருக்கிறேன்.
அன்புடன்
ஆதவன்
(அவர்)கண்களைப் பார்க்க நேரிடுவேன்
எவரேனும் வாழ்க்கை என்ற சொல்லை
முணுமுணுப்பார்களோ வென//
மனதுக்குள் எதிர்பார்ப்போடு வெளிப்பட்ட வரிகள்.அழகு.
மிக்க நன்றி அன்புமணி அவர்களே!
காதலர் தின வாழ்த்துக்கள்.
வித்தியாசமான சிந்தனை. அருமையான வரிகள் :)Nice!
நன்றி மது.....
பாதிப்படிக்கும் போதே கலாட்டாவை ஊகிக்க முடிந்தது. இருந்தாலும் ரசிக்க வைத்த நடை.
காதலர் தின வாழ்த்துக்கள்.
நீங்கள் பின்னூட்டத்தை மாற்றிக் கொடுத்திவிட்டீர்கள் என்று நினைக்கிறெனெ..
என்றாலும் மிக்க நன்றி மாதவராஜ் அவர்களே
துலக்கியவர் எவரு மிலர்.....
கட்டி எறியப்பட்டதால்
காலத்தின் காலில்
தவழ்ந்துகொண்டிருக்கிறேன் ...."
அவர்களின் மன ஆதங்கங்களை நெகிழ்வூட்டும் விதத்தில் வார்த்தைகளால் கடைந்தெடுத்திருக்கிறீர்கள்.
துலக்கியவர் எவரு மிலர்.//
ஆதவா கவிதை சொல்லாமற் சுடுகிறது.. ஒரு அபலைப் பெண்ணின் மனதின் வலிகளை வார்த்தைகளுக்குள் அடக்கியிருக்கிறீர்கள். நல்ல கவிதை....ஊடு பொருள் வாயிலாக கவிதை எதையோ உறுத்துகிறது??
தவப்புதல்வன்